மூதாட்டியிடம் 1½ பவுன் சங்கிலி மாயம்

கொட்டாம்பட்டி அருகே உள்ள சொக்கலிங்கபுரம் குருகுலம் விநாயகர் கோவில் கும்பாபிஷேகம் நேற்று முன்தினம் நடந்தது. கும்பாபிஷேகத்தை காண உதினிப்பட்டியை சேர்ந்த பாப்பு (வயது 75) என்ற மூதாட்டி வந்தார். இதையொட்டி கூட்ட நெரிசலில் மூதாட்டி கழுத்தில் அணிந்திருந்த 1 பவுன் தங்க செயினை காணவில்லை. பல்வேறு இடங்களில் தேடியும் கிடைக்கவில்லை. இதனை தொடர்ந்து மூதாட்டி பாப்பு கொடுத்த புகாரின் பேரில் கொட்டாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.