விருதுநகர் அருங்காட்சியகத்தின் சார்பில் 75-வது சுதந்திர தினத்தையொட்டி மாணவ-மாணவிகளுக்கான சுதந்திர போராட்ட தியாகிகளின் மாறுவேடப்போட்டி விருதுநகால் நடைபெற்றது. இதில் 8-ம் வகுப்பு வரையிலான மாணவ-மாணவிகளுக்கான போட்டிகள் நடத்தப்பட்டன. 3-ம் வகுப்பு வரையிலான போட்டியில் சவ்வாஸ்புரம் அரசு பள்ளி மாணவி கிருத்திகா முதல் பரிசினையும், கே.மடத்துப்பட்டி அரசு தொடக்கப்பள்ளி மாணவி லாவண்யா 2-வது பரிசினையும், சிவகாசி விநாயகா மெட்ரிக் பள்ளி மாணவி ஆத்ரியா 3-வது பரிசினையும் பெற்றனர். 4 மற்றும் 5-ம் வகுப்பு மாணவர்களுக்கான போட்டியில் சவ்வாஸ்புரம் அரசு பள்ளி மாணவர் அஸ்வந்த் முதல் பரிசும், கே. மடத்துப்பட்டி அரசு பள்ளி மாணவி கனிஷ்கா 2-வது பரிசும், விநாயகா மெட்ரிக் பள்ளி மாணவர் அய்யனார் 3-வது பரிசும் பெற்றனர். 6-ம் வகுப்பு முதல் 8-ம் வகுப்பு வரையிலான போட்டியில் சவ்வாஸ்புரம் அரசு உயர்நிலைப்பள்ளி மாணவி ஜோதிலட்சுமி முதல் பரிசும், மேலப்பருத்தியூர் அரசு உயர்நிலைப்பள்ளி மாணவி ஹரிணி 2-வது பரிசும், ஆனைக்குட்டம் அரசு பள்ளி மாணவி ஐஸ்வர்யா 3-வது பரிசும் பெற்றனர். பரிசு பெற்ற மாணவ-மாணவிகளுக்கு நாகர்கோவில் கல்லூரி பேராசிரியை தானம்மாள் பரிசுகளை வழங்கினார். இலவச மரக்கன்றுகள் வழங்கப்பட்டன. முடிவில் அருங்காட்சியக காப்பாளர் கிருஷ்ணம்மாள் நன்றி கூறினார்.