தமிழக அரசு சொத்துவரியை உயர்த்தியது, கொரானாவின் தாக்கத்தில் இருந்து மீண்டுவரும் மக்களுக்கு பெரும் சுமையாக அமைந்துள்ளது என த.மா.கா. தலைவர் ஜி.கே.வாசன் தனது அறிக்கையில் தெரிவித்துள்ளார்.

வரி உயர்வு நாட்டின் முன்னேற்றதிற்கு வழி வகுக்கும் என்பதில் சந்தேகமில்லை, ஆனால் அவை மக்களை பாதிக்காதவாறு இருக்க வேண்டும் என்று தெரிவித்துள்ள அவர், பாமரர் முதல் செல்வந்தவர் வரை கொரோனாவின் தாக்கத்தால் பொருளாதார இழப்பில் இருந்து மீண்டெழும் முன்னரே சொத்துவரி உயர்வை அறிவித்து மக்களை தமிழக அரசு அதிர்ச்சிக்குள்ளாக்கி இருக்கிறது என்று கூறியுள்ளார்.