இதற்கு எதிர்ப்பு தெரிவித்து அந்த பகுதியை சேர்ந்த குடியிருப்புவாசிகள் சுவரொட்டி ஒட்டினர். ஆனாலும் அந்த பகுதியில் மதுக்கடையை திறப்பதற்கான நடவடிக்கையில் அதிகாரிகள் தீவிரமாக ஈடுபட்டு வருவதாக கூறப்படுகிறது. இதையடுத்து நேற்று மதுக்கடை அமைக்க எதிர்ப்பு தெரிவித்து பெண்கள் உள்பட 100-க்கும் மேற்பட்டோர் தண்டையார்பேட்டை வைத்தியநாதன் மேம்பாலம் அருகே கண்டன ஆர்ப்பாட்டத்தில் ஈடுபட்டனர். இதில் பங்கேற்றவர்கள், "பள்ளி அருகே மதுக்கடை தேவையா?, பஸ் நிறுத்தம் அருகே மதுக்கடை அவசியமா?" என்பது போன்ற வாசகங்கள் அடங்கிய பதாகைகளை கையில் ஏந்தி கோஷமிட்டனர்.