அரசு பள்ளி ஆசிரியர் நியமன வயது உச்ச வரம்பை 5 ஆண்டுகள் அதிகரித்து தமிழக அரசு அரசாணை வெளியிட்டு உள்ளது. இதன்படி, ஆசிரியர் நேரடி நியமனம் தொடர்பான உச்ச வயது வரம்பு, பெதுப் பிரிவினருக்கு 40-ல் இருந்து 45 ஆகவும், இதரப் பிரிவினருக்கு 45-ல் இருந்து 50 ஆகவும் உயர்த்தப்பட்டுள்ளது என்றும், முதுகலை பட்டதாரி ஆசிரியர்கள் நியமனத்திற்கும் இந்த உத்தரவு பொருந்தும் என்றும் தெரிவிக்கப்பட்டுள்ளது.

தமிழக அரசின் உத்தரவுக்கு பல்வேறு தரப்பினர் வரவேற்பு தெரிவித்து வருகின்றனர். அந்த வகையில் பாமக இளைஞரணி செயலாளர் அன்புமணி ராமதாஸ், இது குறித்து தனது டுவிட்டர் பக்கத்தில் வெளியிட்டுள்ள பதிவில், தமிழக அரசின் இந்த அறிவிப்பு, 40 வயதைக் கடந்தவர்களின் ஆசிரியர் கனவை நனவாக்கும் என்று தெரிவித்துள்ளார்.