ராஜீவ்ரஞ்சன் ஜார்கண்ட் மாநிலத்தைச் சேர்ந்தவர். இவர், 1985-ம் ஆண்டு ஐ.ஏ.எஸ். தேர்வு ஆனவர். இந்தியாவின் மிக உயர்ந்த கல்வி நிறுவனமான ஐ.ஐ.எம்.மில் எம்.பி.ஏ. படித்த இவர், அறிவுசார் சொத்துரிமை பிரிவில் ஆராய்ச்சி பட்டம் (பி.எச்.டி.) பெற்றுள்ளார். லண்டன் பொருளாதாரம் மற்றும் அரசியல் மையத்தில், பப்ளிக் பாலிசியில் எம்.எஸ்சி. பட்டம் பெற்றுள்ளார்.

தமிழக அரசின் பல்வேறு முக்கிய பொறுப்புகளில் இருந்துள்ளார். மத்திய அரசின் அயல் பணியில் 11 ஆண்டுகளுக்கு மேல் பணியாற்றிய அனுபவம் பெற்றவர். 2007-ம் ஆண்டு முதல் இணைச் செயலாளர் அந்தஸ்திலும், 2009-ம் ஆண்டு முதல் முதன்மை செயலாளர் அந்தஸ்திலும் பல்வேறு துறைகளில் பணியாற்றி உள்ளார்.

மத்திய அரசின் சரக்கு சேவை வரி (ஜி.எஸ்.டி.) கவுன்சிலில் சிறப்பு செயலாளராக பணியாற்றியவர். தமிழக அரசின் பல்வேறு முக்கிய பொறுப்புகளில் இருந்துள்ளார். இவர், சிறந்த நிர்வாக திறமை பெற்றவர். தமிழ், ஆங்கிலம், இந்தி, சமஸ்கிருதம் ஆகிய மொழிகளில் நல்ல புலமை மிக்கவர். வருகிற செப்டம்பர் மாதம் வரை இவரது பதவிக்காலம் உள்ளது. தமிழக அரசில் இதுவரை 46 தலைமை செயலாளர்கள் பணிபுரிந்துள்ளனர். புதிதாக பொறுப்பேற்கும் ராஜீவ்ரஞ்சன், தமிழக அரசின் 47-வது தலைமை செயலாளர் ஆவார்.