சிறை காவலர்

ராமநாதபுரத்தில் உள்ள மாவட்ட சிறையில் கடந்த 2011-ம் ஆண்டு காவலராக வேலைக்கு சேர்ந்தவர் மதார்சிக்கந்தர். இவர் அடிக்கடி பணிக்கு வராமல் மருத்துவ விடுப்பு எடுத்து வந்துள்ளார். இந்த நிலையில் கடந்த 2021-ம் ஆண்டு ஜனவரி மாதம் 4-ந் தேதியில் இருந்து தன்னிச்சையாக பணிக்கு வராமல் தொடர்ந்து 60 நாட்கள் மேல் மருத்துவ விடுப்பு கோரி விண்ணப்பித்திருந்தார். பின்னர் ஏப்ரல் மாதம் மருத்துவ குழுவினர் முன்பு ஆஜராகி ஒரு வாரம் மட்டுமே வேலை பார்த்தவர் மீண்டும் தன்னிச்சையாக விடுப்பு எடுத்தார். மேலும் ஜூன்-30 ந்தேதி வரை மருத்துவ விடுப்பு கோரி விண்ணப்பங்களை அனுப்பியவர் அதன்பின்னர் மீண்டும் பணிக்கு வரவில்லை. இது குறித்து அதிகாரிகள் கேட்ட போது பல்வேறு விளக்கங்களை கொடுத்ததாக கூறப்படுகிறது. ஆனால் அவர் தன்னிச்சையாக பணிக்கு வராமல் இருந்ததற்கு அவரது உடல்நிலை எந்தவகையிலும் காரணமாக அமையவில்லை. மேலும் அவர் மருத்துவ சான்றுகளை ஒரு கருவியாக பயன்படுத்தி வெவ்வேறு காரணங்களை தெரிவித்து மருத்துவர்களிடமிருந்து பொய்யான மருத்துவ சான்றுகளை பெற்று நிர்வாகத்திற்கு அனுப்பி உள்ளார்.