கிருஷ்ணகிரி பழையபேட்டை சீதாராம வீர ஆஞ்சநேய சமேத ராகவேந்திர சாமி கோவிலில் ராமநவமி விழா கடந்த மாதம் 29-ந் தேதி மாலை பூஜையுடன் தொடங்கியது. 30-ந் தேதி நவக்கிரக ஹோமம், கலச ஸ்தாபனத்துடன் ராமநவமி உற்சவம் நடந்தன. மாலை லட்சார்ச்சனை நடந்தது. தொடர்ந்து கடந்த 3-ந் தேதி இரவு 8 மணிக்கு சீதா திருக்கல்யாண வைபமும், மங்களாரத்தியும் நடந்தன. நேற்று முன்தினம் மாலை குத்துவிளக்கு பூஜை நடந்தன. நேற்று காலை 9 மணிக்கு ஸ்ரீகர அஷ்டாக்ஷர ஹோமமும், காலை 11.30 மணிக்கு ராமர் பட்டாபிஷேகம் நடந்தன. தொடர்ந்து மங்களாரத்தி நடந்தன. மாலை 6 மணிக்கு சாமி நகர்வலம் நடைபெற்றன. இதில் ஏராளமான பக்தர்கள் கலந்து கொண்டனர். அனைவருக்கும் அன்னதானம் வழங்கப்பட்டன.