சென்னை,

சென்னையில் உள்ள அண்ணா பல்கலைக் கழகத்தில் 10 இலக்க ரேண்டம் எண் வெளியிடப்பட்டுள்ளது.

அண்ணா பல்கலையின், இன்ஜியரிங் கவுன்சிலிங்கில் பங்கேற்க இம்மாதம் 2ம் தேதியுடன் விண்ணப்ப பதிவு முடிவடைந்தது. இதில் 1.60 லட்சம் பேர் விண்ணப்பித்திருந்தனர். இந்நிலையில் இன்று காலை 9:00 மணிக்கு அண்ணா பல்கலைக்கழகத்தில் அமைச்சர் அன்பழகன், முதன்மை செயலாளர் சுனில் பாலிவால், துணைவேந்தர் சூரப்பா முன்னிலையில் ரேண்டம் எண் வெளியிடப்பட்டது.

ஒரே 'கட் - ஆப்' இருக்கும் மாணவர்களுக்கு, இந்த ரேண்டம் எண் அடிப்படையில் தரவரிசை பட்டியல் தயாரிக்கப்பட்டுள்ளது. விண்ணப்பித்த 1 லட்சத்து 59 ஆயிரத்து 631 பேருக்கும் ரேண்டம் எண் வெளியிடப்பட்டுள்ளது.

இந்த 'ரேண்டம் எண்' என்பது கணினி மூலமாக தேர்வு செய்யப்படும் சம வாய்ப்பு எண் என்று கூறப்படுகிறது. இந்த ஆண்டு பொறியியல் படிப்பிற்கு விண்ணப்பத்திருக்கும் மாணவர்களின் மதிப்பெண், வயது உள்ளிட்டவையை கொண்டு ரேண்டமாக கணினி தேர்வு செய்யும் எண்னையே 'ரேண்டம்' எண் ஆகும்.