இந்த நிலையில் 2-வது கட்டமாக சேலம் மண்டலத்துக்குட்பட்ட சேலம், நாமக்கல், கிருஷ்ணகிரி, தர்மபுரி ஆகிய மாவட்டங்களுக்கு தேவையான 53 ஆயிரத்து 400 கொரோனா தடுப்பூசிகள் நேற்று சென்னையில் இருந்து சேலத்துக்கு கொண்டு வரப்பட்டன. இதில் சேலம் மாவட்டத்துக்கு மட்டும் 25 ஆயிரம் கொரோனா தடுப்பூசி ஆகும். இதையடுத்து இந்த தடுப்பூசிகள் சேலம் மண்டல குளிர்சாதன நோய் தடுப்பு மருந்து கிடங்கில் பாதுகாப்பாக வைக்கப்பட்டன.

இதுகுறித்து சுகாதார பணிகள் துணை இயக்குனர் செல்வகுமார் கூறும் போது, சேலம் மண்டலத்துக்கு தேவையான 53 ஆயிரத்து 400 கொரோனா தடுப்பூசிகள் கொண்டு வரபட்டன. இந்த தடுப்பூசி அரசு அறிவித்த பின்னர் 2-வது கட்டமாக போடப்படும்.