ராஜபாளையம் அருகே சுந்தரராஜபுரம் கிராமத்தில் அமைந்துள்ள மாரியம்மன் கோவிலில் ஒரே பிரிவினர் இரு தரப்பாக உள்ளனர். வழிபாடு மற்றும் திருவிழா நிகழ்ச்சியை ஒவ்வொரு ஆண்டும் முறை வைத்து இருதரப்பினருக்கும் பிரித்து வழங்கப்பட்டது. இந்நிலையில் நேற்று முன்தினம் கோவில் சாவியை ஒரு தரப்பினர் வழங்க மறுத்ததால் ஊர் மத்தியில் தர்ணா போராட்டம் நடைபெற்றது.

இது குறித்து நடந்த சமாதான பேச்சுவார்த்தையில் ஒரு தரப்பினர் பூசாரியை மாற்ற வேண்டும் என்பன உள்ளிட்ட கோரிக்கைகளை முன் வைத்தனர். இதை மற்றொரு தரப்பினர் ஏற்றுக் கொள்ளவில்லை.