தமிழகத்தில் பாதாள சாக்கடையில் மனிதர்கள் இறங்கி வேலை செய்வதற்கு பல்வேறு தரப்பில் இருந்தும் கண்டனங்கள் எழுந்துள்ளன. இதனை முடிவுக்கு கொண்டு வரவேண்டும் என்றும் கோரிக்கை விடப்பட்டு வருகின்றன. பாதாள சாக்கடையில் வேலை செய்யும் தொழிலாளர்கள் சிலர் விஷவாயு தாக்கி உயிரிழக்கும் சூழலும் காணப்படுகிறது.

இந்த நிலையில், சென்னை ஐகோர்ட்டு, பாதாள சாக்கடை மரணங்கள் தொடர்புடைய வழக்கு ஒன்றின் விசாரணையில், பாதாள சாக்கடை மரணங்களுக்கு சம்பந்தப்பட்ட மாநகராட்சி, நகராட்சி ஆணையர்களே பொறுப்பு. அதனால், ஆணையர்கள் மீது குற்ற வழக்கு பதிவு செய்து, அவர்கள் கைது செய்யப்படுவர் என தெளிவுப்படுத்த வேண்டும் என்று தமிழக அரசுக்கு உத்தரவு பிறப்பித்து உள்ளது.