இந்நிலையில் கடந்த 2020-ம் ஆண்டு பிப்ரவரி 1-ந் தேதி முத்துபிரகாஷ், முத்தையா இடையே தகராறு ஏற்பட்டது. அப்போது ஆத்திரமடைந்த முத்து பிரகாஷ் கத்தியால் முத்தையாவை குத்தினார். இதுகுறித்து தேவதானப்பட்டி போலீசார் முத்து பிரகாஷ் மீது கொலை முயற்சி வழக்குப்பதிந்து அவரை கைது செய்தனர். இந்த வழக்கு பெரியகுளம் கோர்ட்டில் நடைபெற்று வந்தது. இந்த நிலையில் வழக்கின் விசாரணை இன்று நடந்தது. அப்போது வழக்கை விசாரித்த நீதிபதி மாரியப்பன், குற்றம் சாட்டப்பட்ட முத்து பிரகாசுக்கு 7 ஆண்டுகள் சிறை தண்டனையும், ரூ.5 ஆயிரம் அபராதமும் விதித்து தீர்ப்பு வழங்கி உத்தரவிட்டார்.