கன்னத்தில் அடித்தார்

இதனால் விவாகரத்து கோரி, குடும்ப நல கோர்ட்டில் மனு தாக்கல் செய்தேன். அந்த மனு நிலுவையில் இருந்தபோது வரதட்சணை கேட்டு கொடுமைபடுத்துவதாக தர்மபுரி மகளிர் போலீஸ் நிலையத்தில் சோனியா புகார் அளித்தார்.

இந்த புகார் மீது போலீசார் வழக்குப்பதிவு செய்து, எனது சகோதரர் பாலசுப்பிரமணியனை கைது செய்தனர். அந்த வழக்கில் நான் முன்ஜாமீன் பெற்று அதே போலீஸ் நிலையத்தில் கையெழுத்திட சென்றேன். அப்போது வழக்கை முடிக்க ரூ.50 ஆயிரம் லஞ்சமாக கொடுக்க வேண்டும் என்று அப்போதைய போலீஸ் இன்ஸ்பெக்டர் தேவிகாராணி கேட்டார்.

நான் மறுத்து விட்டேன். மறுநாள் கையெழுத்திட சென்றபோது எனது மனைவியை போலீஸ் நிலையத்துக்கு வரவழைத்து அவரை அழைத்து செல்லுமாறு இன்ஸ்பெக்டர் என்னை மிரட்டினார். நான், விவாகரத்து வழக்கு நிலுவையில் இருப்பதை சுட்டிக்காட்டிய போது என்னை தகாத வார்த்தைகளால் திட்டி கன்னத்தில் அடித்தார். என்னை தாக்கி மனித உரிமை மீறலில் ஈடுபட்ட இன்ஸ்பெக்டர் தேவிகாராணி மீது உரிய நடவடிக்கை எடுக்க வேண்டும்.

இவ்வாறு அதில் கூறப்பட்டிருந்தது.

அபராதம்

இந்த மனு நீதிபதி ஜெயச்சந்திரன் முன்னிலையில் விசாரணைக்கு வந்தது. மனுவை விசாரித்த நீதிபதி, வரதட்சணை புகாரை விசாரிக்கும்போது என்னென்ன நடைமுறைகளை பின்பற்ற வேண்டும் என்று ஐகோர்ட்டு உத்தரவு பிறப்பித்துள்ளது. இதை அடிப்படையாக வைத்து சில விதிமுறைகளை வகுத்து டி.ஜி.பி. அனைத்து போலீஸ் நிலையங்களுக்கும் சுற்றறிக்கை அனுப்பி உள்ளார்.

இந்த விதிமுறைகளை இன்ஸ்பெக்டர் தேவிகாராணி பின்பற்றாமல் மனித உரிமை மீறலில் ஈடுபட்டுள்ளார். எனவே, தேவிகாராணிக்கு ரூ.30 ஆயிரம் அபராதம் விதிக்கப்படுகிறது. இந்த தொகையை மனுதாரருக்கு தமிழக அரசு 2 மாதத்துக்குள் வழங்க வேண்டும். பின்னர், தேவிகா ராணியின் சம்பளத்தில் இருந்து அந்த தொகையை பிடித்தம் செய்து கொள்ள வேண்டும் என்று உத்தரவிட்டார்.