மேட்டூர் பழைய அனல் மின் நிலையம் தலா 210 மெகாவாட் மின் உற்பத்தி திறன் கொண்ட 4 யூனிட்டுகளுடன் செயல்பட்டு வருகிறது. இதில் 3-வது யூனிட்டில் பராமரிப்பு பணிகள் கடந்த 9-ந் தேதி தொடங்கப்பட்டது. இந்த பணி நேற்று முடிவடைந்ததை அடுத்து இந்த யூனிட்டில் மின் உற்பத்தி மீண்டும் தொடங்கி உள்ளது.

ஏற்கனவே 3-வது யூனிட் தவிர 1, 2, மற்றும் 4-வது யூனிட்டுகளில் மின் உற்பத்தி நடைபெற்று வரும் நிலையில், தற்போது 3-வது யூனிட்டிலும் மின் உற்பத்தி தொடங்கி உள்ளது. இதன்மூலம் மேட்டூர் அனல் மின் நிலையத்தில் முழு உற்பத்தி திறனான 840 மெகாவாட் மின்சார உற்பத்தி நடைபெற்று வருகிறது.