மதுரையில் இருந்து சென்னை வழியாக பஞ்சாப் மாநிலம் சண்டிகருக்கு வாராந்திர ரெயில் இயக்கப்பட்டு வந்தது. கொரோனா ஊரடங்கால் இந்த ரெயில் தற்காலிகமாக நிறுத்தி வைக்கப்பட்டிருந்தது. இதற்கிடையே, வருகிற 11-ந் தேதி முதல் மதுரையில் இருந்து சண்டிகருக்கு மீண்டும் ரெயில் இயக்கப்படவுள்ளது. இந்த ரெயில் (வ.எண்.02687) ஞாயிற்றுக்கிழமைகளில் இரவு 11.35 மணிக்கு புறப்பட்டு புதன்கிழமைகளில் அதிகாலை 3.50 மணிக்கு சண்டிகர் சென்றடையும்.

மறுமார்க்கத்தில், சண்டிகரில் இருந்து வருகிற 16-ந் தேதி முதல் வெள்ளிக்கிழமைகளில் மதுரைக்கு இயக்கப்படுகிறது. இந்த ரெயில் (வ.எண்.02688) சண்டிகரில் இருந்து காலை 8 மணிக்கு புறப்பட்டு ஞாயிற்றுக்கிழமை மதியம் 1.55 மணிக்கு மதுரை ரெயில் நிலையம் வந்தடைகிறது.