மேக்னஸ் செஸ் அகாடெமி சார்பில் நெல்லை ஹோலி கிராஸ் மெட்ரிக் மேல்நிலைப்பள்ளியில் பள்ளிகளுக்கு இடையே சதுரங்க போட்டி நடைபெற்றது. பல்வேறு பள்ளிகளை சேர்ந்த மாணவ-மாணவிகள் கலந்து கொண்டனர். இப்போட்டியில் செங்கோட்டை விஸ்வநாதபுரம் டிரஷர் ஐலண்ட் இன்டர்நேஷனல் பள்ளி மாணவன் ஜெகத் பிரபு மாணவர்கள் பிரிவில் முதல் இடத்திலும், மாணவி ஹரி நந்தனா மாணவிகள் பிரிவில் முதல் இடத்திலும் வெற்றி பெற்றனர்.
வெற்றி பெற்ற மாணவ-மாணவிகளை பள்ளியின் தாளாளர் டாக்டர் சேக் செய்யது அலி மற்றும் பள்ளியின் முதல்வர் சமீமா பர்வீன் பாராட்டி வாழ்த்துக்களை தெரிவித்தனர்.