சின்னசேலம் அருகே உள்ள கல்லாநத்தம் மாரியம்மன்கோவில் எதிரே உள்ள பொது இடத்தில் பா.ஜ.க.வினர் கொடிக்கம்பம் அமைத்து இருந்தனர். ஆனால் அனுமதி இல்லாமல் கொடிக்கம்பம் அமைக்கப்பட்டுள்ளதாக கல்லாநத்தம் கிராம நிர்வாக அலுவலர் கண்ணதாசன் சின்னசேலம் போலீஸ் நிலையத்தில் புகார் கொடுத்தார். இதையடுத்து வருவாய்த்துறை அதிகாரிகளும், சின்னசேலம் போலீசாரும் கல்லாநத்தம் கிராமத்துக்கு சென்று பா.ஜ.க. கொடிக்கம்பத்தை அப்புறப்படுத்தினர். மேலும் இது தொடர்பாக கல்லாநத்தம் மாரியம்மன் கோவில் தெருவை சேர்ந்த மணியன் மகன் கோவிந்தன்(வயது 47) என்பவர் மீது போலீசார் வழக்குப் பதிவு செய்து விசாரணை நடத்தி வருகின்றனர்.