கரூர் மாவட்டம், உப்பிடமங்கலம் அருகே உள்ள புதுகஞ்சமனூரை சேர்ந்தவர்கள் மாணிக்கம் (வயது 39), புகழேந்தி (48). இவர்கள் 2 பேரும் கரூரில் செயல்படும் தனியார் ஜவுளி ஏற்றுமதி நிறுவனத்தில் தையல்காரர்களாக பணியாற்றி வருகின்றனர். இந்தநிலையில் நேற்று முன்தினம் இரவு பணி முடிந்து 2 பேரும் ஒரே மோட்டார் சைக்கிளில் வீட்டிற்கு சென்று கொண்டிருந்தனர். மோட்டார் சைக்கிளை புகழேந்தி ஓட்டினார். மாணிக்கம் பின்னால் அமர்ந்து இருந்தார்.புலியூர் ஏ.பி. நகர் அருகே வந்தபோது, எதிரே புலியூர் வடக்குபாளையத்தை சேர்ந்த பிரகாஷ் (27) என்பவர் தனது மோட்டார் சைக்கிளில், முன்னால் சென்று கொண்டிருந்த டிராக்டரை முந்தி செல்ல முயன்றுள்ளார். அப்போது எதிர்பாராதவிதமாக புகழேந்தி ஓட்டி சென்ற மோட்டார் சைக்கிளும், பிரகாஷ் ஓட்டி வந்த மோட்டார் சைக்கிளும் மோதி கொண்டது. இதனால் மோட்டார் சைக்கிளில் இருந்து புகழேந்தியும், மாணிக்கமும் தூக்கி வீசப்பட்டனர்.

ஒருவர் பலி