வேண்டுமென்றே இவர்கள் திட்டமிட்டு, அ.தி.மு.க. அரசுக்கு நல்ல பெயர் கிடைத்து விடும், இதற்கு ஏதாவது இடையூறு விளைவிக்க வேண்டும் என்ற அடிப்படையில், தி.மு.க. வெளிநடப்பு செய்துள்ளது. உண்மையிலே நாங்கள் வருத்தப்படுகிறோம். நான் விவசாயியாக இருக்கின்ற காரணத்தினாலே சொல்கிறேன், இது மிகப்பெரிய வரலாற்று சிறப்புமிக்க சட்ட மசோதா. விவசாயிகளுக்கு முழுமையாக பாதுகாப்பு கொடுக்க வேண்டும் என்பதற்காக இந்த மசோதாவை கொண்டு வந்திருக்கிறோம். இதைகூட அரசியல் ஆக்கி, வெளிநடப்பு செய்து இருக்கிறார்கள். இது எங்களுக்கு வருத்தம் அளிக்கிறது.

ஏகமனதாக, ஒட்டு மொத்தமாக விவசாயிகள் பல ஆண்டுகள் வைத்திருந்த கோரிக்கையை நிறைவேற்றும் முகமாக தான் இந்த மசோதாவை நிறைவேற்றினோம். அவர்களும் (தி.மு.க.) ஒத்துழைத்து இருந்தால் மகிழ்ச்சியாக இருந்திருக்கும். இருந்தாலும், விவசாயிகளை காக்க கூடிய ஒரே அரசு, அ.தி.மு.க. அரசு தான். அவர்கள் (தி.மு.க.) ஆதரவு அளிக்காவிட்டாலும் ஒட்டு மொத்த தமிழகத்தில் உள்ளவர்களும், விவசாயிகளும் ஆதரவு அளிப்பார்கள், அவர்கள் ஏற்றுக்கொள்வார்கள்.

அந்த அடிப்படையிலேயே இந்த மசோதாவை தாக்கல் செய்து இருக்கிறோம். இந்த சட்டம் விவசாயிகளின் வாழ்வாதாரத்தை மேம்படுத்தும். இந்த சட்டத்தை ஒருமனதாக நிறைவேற்ற வேண்டும் என்று கேட்டு இருந்தேன். ஆனால் அவர்கள் வெளிநடப்பு செய்து இருக்கிறார்கள், பரவாயில்லை. நாங்கள் எப்போதும் விவசாயிகளுக்கு துணை நிற்போம். இவ்வாறு அவர் பேசினார்.