தமிழகத்தில் நேற்று 169 மையங்களில் கொரோனா தடுப்பூசி போடும் பணி நடந்தது. இதில் 16 ஆயிரத்து 900 சுகாதார பணியாளர்களுக்கு தடுப்பூசி செலுத்த தடுப்பு மருந்து தயாராக வைக்கப்பட்டிருந்தது.

இந்த நிலையில் 2 ஆயிரத்து 404 பேருக்கு கோவிஷீல்டு' தடுப்பு மருந்தும், 90 பேருக்கு கோவேக்சின்' தடுப்பு மருந்தும் என மொத்தம் 2 ஆயிரத்து 494 சுகாதார பணியாளர்களுக்கு மட்டுமே தடுப்பூசி போடப்பட்டது. அந்த வகையில் நேற்று தடுப்பூசி செலுத்தப்பட்டவர்களின் எண்ணிக்கை வெகுவாக குறைந்தது.