சின்னசேலம் தாலுகாவுக்கு உட்பட்ட பகுதியில் உள்ள வாக்குச்சாவடி மையங்களில் வாக்காளர் அட்டையுடன் ஆதார் எண் இணைக்கும் பணிகள் நடைபெற்று வருகிறது. அதன்படி சின்னசேலம் தேர்தல் துணை தாசில்தார் குணசேகரன் சின்னசேலம் பகுதியில் உள்ள வாக்குச்சாவடி மையங்களுக்கு சென்று ஆய்வு மேற்கொண்டார். அப்போது அவர் அங்கிருந்த அதிகாரிகளிடம், வாக்காளர் அட்டையில் சம்பந்தப்பட்ட வாக்காளரின் ஆதார் எண்ணை சரியான முறையில் இணைக்க வேண்டும் என்று வலியுறுத்தினார். தொடர்ந்து அங்கிருந்த மக்களிடம் வாக்காளர் அட்டையுடன் ஆதார் எண்ணை இணைக்க வேண்டியதன் அவசியம் குறித்து விளக்கி கூறி விழிப்புணர்வு ஏற்படுத்தினார். இந்த ஆய்வின்போது சின்னசேலம் தெற்கு கிராம நிர்வாக அலுவலர் நாகராஜன் உள்பட பலர் உடன் இருந்தனர்.