திருவள்ளூரை அடுத்த மணவாள நகர் ரயில்வே ஸ்டேஷன் சாலையில் வசித்து வருபவர் ஆறுமுகம் (58). இவர் பூண்டி வட்டார வளர்ச்சி அலுவலகத்தில் உதவியாளராகப் பணியாற்றி வருகிறார். இந்நிலையில் நேற்று இரவு 7.30 மணியளவில் பணி முடிந்து வீட்டிற்குச் சென்றுள்ளார்.

அப்போது திருவள்ளூர் - பூந்தமல்லி நெடுஞ்சாலையில் மணவாள நகரில் உள்ள சென்டர் மீடியாவில் ஏறி இறங்க முயன்றபோது கால் தவறி கீழே விழுந்துள்ளார். அப்போது பூந்தமல்லியிலிருந்து திருவள்ளூர் நோக்கி வந்த அரசு பேருந்தின் வலது புற முன்பக்க சக்கரம் ஏறி இறங்கியது. இதனால் படுகாயமடைந்த அவரை உடனடியாக திருவள்ளூர் அரசு மருத்துவமனைக்குக் கொண்டு சென்று சேர்த்தனர்.