பெட்ரோல், டீசல் வினியோகத்தில் சிக்கல் இல்லை - இந்திய எண்ணெய் கழக தலைவர் தகவல்

நாள்தோறும் சுமார் 5 லட்சம் சிலிண்டர்கள் என்ற மாநிலத்தின் சமையல் எரிவாயு தேவையை 100 சதவீதம் பூர்த்தி செய்யும் நிலையில் எண்ணெய் சந்தைப்படுத்தும் நிறுவனங்கள் உள்ளன. வீட்டு உபயோக சமையல் எரி வாயுக்கு அதிகபட்ச முன்னுரிமை அளிக்கப்படுகிறது. சில பகுதிகளில் 6 முதல் 8 நாட்கள் வரை காத்திருப்பு காலம் இருப்பதை குறைப்பதற்கு முயற்சிகள் மேற்கொள்ளப்படுகின்றன.

ஆஸ்பத்திரிகள், கல்வி நிறுவனங்கள் போன்ற அத்தியாவசிய பகுதிகளுக்கு எந்தவித கட்டுப்பாடும் இல்லாமல் 100 சதவீத சமையல் எரிவாயு தேவை பூர்த்தி செய்யப்பட்டு வருகிறது. மக்களின் அனைத்து தேவைகளையும் பூர்த்தி செய்ய போதுமான கச்சா எண்ணெய் இருப்பில் இருப்பதால் எரிபொருட்கள் வாங்குவது தொடர்பாக மக்கள் பீதி அடைய வேண்டாம்.