அறந்தாங்கி அருகே இடையன்கோட்டை முத்துமாரியம்மன் கோவிலில் திருவிளக்கு பூஜை நடைபெற்றது. பொன்னமராவதி அருகே உள்ள பொன்-புதுப்பட்டி உடையபிராட்டி அம்மன் கோவிலில் திருவிளக்கு பூஜை நடைபெற்றது. இதையொட்டி அம்மனுக்கு சிறப்பு அபிஷேகம் மற்றும் பூஜை நடைபெற்றது. இதையடுத்து காலை மற்றும் மாலையில் 1,001 பெண்கள் கலந்து கொண்டு திருவிளக்கு பூஜையில் ஈடுபட்டனர். கீரமங்கலம் அருகே உள்ள சுற்றுவட்டார கிராமங்களில் உள்ள அம்மன் கோவில்களில் ஆடி கடைசி வெள்ளியையொட்டி சிறப்பு பூஜைகள் நடைபெற்றது. அதேபோல் கொத்தமங்கலம் கிராம காவல் தெய்வமான முத்துமாரியம்மன் கோவிலில் நேற்று 100-க்கும் மேற்பட்ட பெண்கள் திருவிளக்கு பூஜையில் கலந்து கொண்டனர்.