திருவண்ணாமலை மாவட்டம் தண்டராம்பட்டு வட்டத்துக்கு உட்பட்ட தட்டரணை கிராமத்தைச் சேர்ந்த தங்கமணி என்பவரை சாராய வழக்கு தொடர்பான விசாரணைக்காக கடந்த 26 ஆம் தேதி மதுவிலக்கு அமலாக்கப்பிரிவு போலீசார் கைது செய்து அழைத்துச் சென்றுள்ளனர்.

இதையடுத்து கடந்த 2 நாட்களாக அவர் திருவண்ணாமலை கிளைச்சிறையில் அடைக்கப்பட்டிருந்தார். இந்நிலையில் நேற்று இரவு அவருக்கு திடீரென உடல்நலக்குறைவு ஏற்பட்டதையடுத்து, திருவண்ணாமலை அரசு மருத்துவக்கல்லூரி மருத்துவமனையில் அனுமதிக்கப்பட்டார். ஆனால் சிகிச்சை பலனின்றி நேற்று இரவு தங்கமணி உயிரிழந்தார்.