போலீசார் விளக்கம்

இதுகுறித்து லாரி டிரைவர் குணசேகரன் கூறுகையில், எனது மோட்டார் சைக்கிளை 2 ஆண்டுகளுக்கு மேலாக பயன்படுத்தி வருகிறேன். மோட்டார் சைக்கிளில் திருச்சிக்கு சென்றது இல்லை. ஆனால் தற்போது திருச்சி போக்குவரத்து போலீசாரிடம் இருந்து ரூ.1,000 அபராதம் விதித்து இருப்பதாக தகவல் வந்துள்ளது. இந்த தவறு எப்படி நடந்தது என தெரியவில்லை. இது சம்பந்தமாக சேலம் போலீஸ் அதிகாரிகளை சந்தித்து விளக்கம் கேட்க முடிவு செய்துள்ளேன், என்றார்.

இது தொடர்பாக போலீஸ் துணை கமிஷனர் மாடசாமி கூறுகையில், வாகனத்தின் பதிவு எண் அல்லது செல்போன் எண்ணை தவறுதலாக பதிவு செய்து இருந்தால், இது போன்று வேறு ஒரு நபரின் செல்போன் எண்ணுக்கு அபராதம் விதிக்கப்பட்டு இருப்பதாக தகவல் சென்று இருக்கலாம். எனவே சேலத்தில் பயன்படுத்தும் வாகனத்துக்கு திருச்சியில் போலீசார் அபராதம் விதிக்க முடியாது என்றார்.