போராட்டத்தில் பங்கேற்ற மக்கள் காவல் துறையினரால் திட்டமிட்டு படுகொலை செய்யப்பட்டதை அருணா ஜெகதீசன் ஆணையம் தோலுரித்து, சட்டரீதியான நடவடிக்கைக்கு பரிந்துரைத்தும் அதனை செயல்படுத்த மறுக்கும் தி.மு.க. அரசின் செயல் கடும் கண்டனத்திற்குரியது. தூத்துக்குடி ஸ்டெர்லைட் ஆலை எதிர்ப்பு போராட்டத்தில் மக்களை துள்ள துடிக்க பச்சை படுகொலை செய்திட்ட காவல் துறையினர் மீதும், ஏவிவிட்ட அதிகார வர்க்கத்தினர் மீதும், முந்தைய அரசின் ஆட்சியாளர்கள் மீதும் கொலை வழக்கு பதிவு செய்து சட்ட நடவடிக்கை எடுக்க வேண்டும் என தமிழக அரசை வலியுறுத்துகிறேன்.