த.வெ.க. தேர்தல் அறிக்கை: பொதுமக்களிடம் கருத்து கேட்பதற்கான இணையதளம் முடங்கியது

இந்த நிலையில், பொதுமக்களிடம் கருத்து கேட்பதற்கான த.வெ.க.வின் இணையதளம் தற்போது முடங்கியுள்ளது. இதையடுத்து மின்னஞ்சல் வாயிலாக பொதுமக்கள் தங்கள் பரிந்துரைகளை தெரிவிக்கலாம் என த.வெ.க. அறிவித்துள்ளது. இது தொடர்பாக அக்கட்சி சார்பில் வெளியிடப்பட்டுள்ள அறிக்கையில் கூறப்பட்டுள்ளதாவது;-

“தமிழக வெற்றிக் கழகத்தின் தேர்தல் அறிக்கை தயார் செய்யப்பட்டு வரும் நிலையில், அது தொடர்பாக பொதுமக்களும் தங்களின் மேலான பரிந்துரைகளை இணையத்தளத்தின் வாயிலாக கழகத்திற்குத் தெரிவிக்கலாம் என அறிவிக்கப்பட்டிருந்தது.

இந்நிலையில் அறிவிக்கப்பட்ட அந்த இணையதளமானது ஒரே நேரத்தில் அதிகப்படியாக பயன்படுத்தப்படுவதால் ஸ்தம்பித்துள்ளது. எனவே, பொதுமக்கள் தங்கள் பரிந்துரைகளை மின்னஞ்சல் வாயிலாகவும் தெரிவிக்கலாம். tvkmanifesto2026@gmail.com என்ற மின்னஞ்சல் முகவரிக்கு, உங்கள் பரிந்துரைகளை அனுப்புமாறு கேட்டுக்கொள்கிறோம்.”

இவ்வாறு அதில் தெரிவிக்கப்பட்டுள்ளது.