மத்திய அரசு பணியாளர் தேர்வாணையத்தின் சிவில் சர்வீசஸ் 2024-ம் ஆண்டுக்கான முதல் நிலை தேர்வு, வருகிற ஜூன் மாதம் 16-ந்தேதி நடைபெறுகிறது. அதேநாளில், கல்லூரி உதவி பேராசிரியர் பணிக்கான யு.ஜி.சி. நெட் தேர்வும் நடைபெறும் என்று யு.ஜி.சி. அறிவித்திருந்தது.

சிவில் சர்வீசஸ் தேர்வுக்கும், யு.ஜி.சி நெட் தேர்வுக்கும் தயாராகி வந்த தேர்வர்களுக்கு, இது சிக்கலை ஏற்படுத்தியது. இதன்காரணமாக, யு.ஜி.சி நெட் தேர்வு தேதியை மாற்ற வேண்டும் என்று தேர்வர்கள் யு.ஜி.சி.யிடம் கோரிக்கை வைத்தனர். அந்த கோரிக்கையை ஏற்றுக் கொண்ட யு.ஜி.சி., உதவி பேராசிரியர் பணிக்கான யு.ஜி.சி நெட் தேர்வு, ஜூன் 18-ந்தேதி நடைபெறும் என்று அறிவித்துள்ளது.