கோவை மாவட்டம் மேட்டுப்பாளையத்தில் நேற்று முன்தினம் பா.ஜ.க. மாநில தலைவர் அண்ணாமலை பாதயாத்திரை மேற்கொண்டார். அவருடன் மத்திய மந்திரி பியூஸ் கோயல், எல்.முருகன் ஆகியோரும் பங்கேற்றனர்.

இந்த நிலையில் பாதயாத்திரையில் அண்ணாமலையை சந்திக்க இயற்கை முறையில் விவசாயம் செய்து வரும் மேட்டுப்பாளையத்தை சேர்ந்த பத்மஸ்ரீ விருது பெற்ற 108 வயதான பாப்பம்மாள் பாட்டி வந்திருந்தார். இதனை அறிந்த அண்ணாமலை பாப்பம்மாள் பாட்டியின் காலில் விழுந்து ஆசி பெற்றதுடன், அவருக்கு பொன்னாட அணிவித்து கவுரவித்தார். இதைத் தொடர்ந்து மத்திய மந்திரிகள் பியூஸ் கோயல், எல்.முருகன் ஆகியோரும் பாப்பம்மாள் பாட்டிக்கு பொன்னாடை அணிவித்து, அவரிடம் ஆசி பெற்று கொண்டனர்.