நெல்லையில் சட்டமன்ற சபாநாயகர் அப்பாவு இன்று செய்தியாளர்களை சந்தித்து பேசினார். அப்போது அவரிடம், தமிழ்நாட்டில் பல கல்லூரிகளில் போதுமான அளவு ஆசிரியர்கள் இல்லை என்றும், சுமார் 9 ஆயிரம் ஆசிரியர் பணியிடங்கள் காலியாக உள்ளதாகவும் பா.ம.க. தலைவர் அன்புமணி ராமதாஸ் விமர்சித்தது குறித்து செய்தியாளர்கள் கேள்வி எழுப்பினர்.

இதற்கு பதிலளித்த அப்பாவு, ஒரு லட்சத்திற்கும் மேற்பட்டோர் பணிபுரியும் இடத்தில், 9 ஆயிரம் என்பதை பெரிய எண்ணிக்கை என்று சொல்லமாட்டேன். ஒரு பணியிடம் காலியாகும்போது உடனடியாக அங்கு மற்றொரு நபரை நியமனம் செய்துவிட முடியாது. அதற்கான நடைமுறைகள் இருக்கின்றன.