விராலிமலை கிழக்கு ஒன்றிய பா.ஜ.க. செயற்குழு கூட்டம் மண்டையூர் சாலையில் உள்ள தனியார் திருமண மண்டபத்தில் நடைபெற்றது. கூட்டத்திற்கு ஒன்றிய தலைவர் பாலசுப்பிரமணியன் தலைமை தாங்கினார். ஒன்றிய பொதுச்செயலாளர் முருகன் வரவேற்று பேசினார். இதில் புதுக்கோட்டை மேற்கு மாவட்ட தலைவர் விஜயகுமார் சிறப்பு அழைப்பாளராக கலந்து கொண்டு பேசினார். அப்போது, வரும் 2026 இல் நடைபெற உள்ள தமிழக சட்டமன்றத் தேர்தலில் பா.ஜ.க. ஆட்சி அமைக்கும். அதற்கு விராலிமலை தொகுதியில் உள்ள 255 பூத் கமிட்டி தலைவர்கள் சிறப்பாக பணியாற்றி பா.ஜ.க. ஆட்சி அமைய களப்பணியாற்ற வேண்டும் என்றார். கூட்டத்தில் புதுக்கோட்டை மேற்கு மாவட்ட பார்வையாளர் பழ. செல்வம், மேற்கு மாவட்ட பொருளாளர் முருகானந்தம், மாநில தரவு மேலாண்மை பிரிவு செயலாளர் கார்த்திகேயன், புதுக்கோட்டை மேற்கு மாவட்ட துணைத் தலைவரும், விராலிமலை கிழக்கு ஒன்றிய பார்வையாளருமான ராஜ்குமார் ஆகியோர் கலந்து கொண்டு பேசினர். கூட்டத்தில் மாநில, மாவட்ட, மண்டல, நிர்வாகிகள், அணி பிரிவு தலைவர்கள், மண்டல செயற்குழு உறுப்பினர்கள் ஆகியோர் கலந்து கொண்டனர். கூட்டத்திற்கான ஏற்பாடுகளை விராலிமலை கிழக்கு ஒன்றிய பா.ஜ.க. நிர்வாகிகள் செய்திருந்தனர்.