சென்னை,
நாங்கள் ஒரே கொள்கை கொண்ட கட்சி அல்ல என்று தமிழ்நாடு காங்கிரஸ் கமிட்டி தலைவர் கே.எஸ்.அழகிரி தெரிவித்துள்ளார்.
இதுதொடர்பாக மேலும் அவர் கூறுகையில், அதிமுக - பாஜகவைப் போல, திமுக - காங்கிரஸ் அடிமை கூட்டணி அல்ல, சுதந்திரக் கூட்டணி. திமுக - காங்கிரஸ் கூட்டணி ஜனநாயக ரீதியான கூட்டணி என்பதால் சுதந்திரமாக கருத்துகளை சொல்கிறோம் என்று கூறினார்.
மேலும் திமுக - காங்கிரஸ் கூட்டணி கட்சிகள் தானே தவிர ஒரே கொள்கை கொண்ட கட்சிகள் அல்ல என்றும், 7 பேர் விடுதலை குறித்து நீதிமன்றம் தான் முடிவெடுக்க வேண்டும், ஆளுநர் அல்ல என்றும் கே.எஸ் அழகிரி தெரிவித்துள்ளார்.