ஆங்கிலேயர் ஆட்சியை எதிர்த்துப் போரிட்ட வீரபாண்டிய கட்டபொம்மனின் 264-வது பிறந்தநாள் இன்று கொண்டாடப்படுகிறது. இதனையொட்டி அரசியல் கட்சித் தலைவர்கள் பலர் கட்டபொம்மனை போற்றியும், அவரது வீர தீர செயல்களை நினைவு கூர்ந்தும் வருகின்றனர்.

அந்தவகையில் அமமுக பொதுச்செயலாளர் டிடிவி தினகரன் வெளியிட்டுள்ள எக்ஸ் தளப்பதிவில், "ஆங்கிலேயர்களுக்கு எதிராக பொருளாதார தடையை விதித்து இந்திய சுதந்திர போராட்டத்திற்கு அச்சாணியாக திகழ்ந்த பாளையக்கார மன்னர் வீரபாண்டிய கட்டபொம்மனின் பிறந்ததினம் இன்று. ஆங்கிலேயர்களுக்கு கப்பம் கட்ட மறுத்து துணிச்சலுடன் எதிர்த்து போராடியதோடு, தன்னை தூக்கிலிட்ட போதிலும் மாவீரனாக மடிந்த வீரபாண்டிய கட்டபொம்மனின் வீரத்தை எந்நாளும் போற்றி கொண்டாடுவோம்." என்று அதில் தெரிவித்துள்ளார்.