ஆண்டுதோறும் செப்டம்பர் முதல் அக்டோபர் மாதம் வரையில் மன்னார்வளைகுடா கடல் பகுதியில் நாட்டிலூகா என்று சொல்லக்கூடிய ஒரு வகையான பச்சைப்பாசிகள் கடலில் படரும். இந்த பாசிகள் காற்றின் வேகத்தால் அப்படியே கரை ஒதுங்கி அழிந்துவிடும். அதேநேரத்தில் காற்றின் வேகம் இல்லாமல் இருக்கும் பட்சத்தில் இந்த பாசிகள் கடல் நீர் முழுவதும் படர்ந்து குறிப்பாக கரையோரத்தில் உள்ள கடல் பகுதியை பச்சை நிறமாக்கிவிடும்..

இந்த பாசிகள் படர்ந்து இருக்கும்போது அஞ்சாலை உள்ளிட்ட சிலவகை மீன்கள் தங்காது. அனைத்து மீன்களும் அங்கிருந்து இடம் பெயர்ந்து ஆழ்கடல் பகுதியை நோக்கி சென்றுவிடும். கடந்த 2 நாட்களாகவே பாம்பன் குந்துகால் முதல் உச்சிப்புளி புதுமடம் வரையிலான மன்னார் வளைகுடா கடல் பகுதியில் கடலில் பச்சை பாசிகள் படர்ந்து நிறம் மாறி காட்சி அளித்து வருகிறது.

பாதிப்பு இல்லை

வழக்கமாக மன்னார் வளைகுடா கடல் பகுதியில்தான் இந்த பச்சைப் பாசிகள் படர்ந்து வரும். ஆனால் இந்த முறை பாக் ஜலசந்தி கடல் பகுதியிலும் பச்சைப் பாசிகள் அதிக அளவில் படர்ந்து, கடல் நீர் நிறம் மாறியுள்ளது. எனவே மீன்களை வாங்குபவர்கள் நன்கு கழுவி சுத்தப்படுத்தி சாப்பிட வேண்டும். காற்றின் வேகம் அதிகமாக இருக்கும் பட்சத்தில் இந்த பாசிகள் அனைத்தும் கரை ஒதுங்கி அழிந்துவிடும்.

இவ்வாறு அவர் கூறினார்.