பந்தலூர் தாலுகா அய்யன்கொல்லி அருகே மூலைக்கடை செம்பக்கொல்லி, தட்டாம்பாறை, கருத்தாடு, கோட்டப்பாடி, மழவன்சேரம்பாடி உள்ளிட்ட பகுதிகளில் காட்டு யானைகள் தோட்டங்களில் புகுந்து பயிர்களை சேதப்படுத்தி வருகிறது. அய்யன்கொல்லி அருகே சாமியார் மலையில் 10-க்கும் மேற்பட்ட காட்டு யானைகள் முகாமிட்டது. நேற்று முன்தினம் இரவில் கோட்டப்பாடியில் 5 காட்டு யானைகள் குடியிருப்புக்குள் புகுந்து முற்றுகையிட்டது.

அங்கு தோட்டங்களில் பயிரிட்டு இருந்த வாழை, தென்னை மரங்களை தின்றும், மிதித்தும் சேதப்படுத்தின. மேலும் அய்யன்கொல்லி-கொளப்பள்ளி சாலையை யானைகள் வழிமறித்தது. இதனால் பயணிகள், வாகன ஓட்டுனர்கள் அச்சத்துடன் சென்று வந்தனர். தகவல் அறிந்த சேரம்பாடி, பிதிர்காடு வனத்துறையினர் கண்காணிப்பு பணியில் ஈடுபட்டு வருகின்றனர். பகல் நேரங்களில் காட்டு யானைகள் முகாமிட்டு வருவதால், பொதுமக்கள் அச்சம் அடைந்து உள்ளனர்.