அதிமுக கூட்டணியில் தொடரலாமா? - புரட்சி பாரதம் இன்று முடிவு

புரட்சி பாரதம் கட்சித் தலைவர் பூவை ஜெகன் மூர்த்தி, இன்று தனது இறுதி முடிவை அறிவிக்க உள்ளார். 2026 சட்டமன்றத் தேர்தலை முன்னிட்டு அதிமுக கூட்டணியில் அக்கட்சிக்கு ஒரு தொகுதி மட்டுமே ஒதுக்கப்பட்டுள்ளது.

இதற்கு முன்பு 4 தொகுதிகள் கேட்டிருந்த நிலையில், தற்போது ஒரு தொகுதி (கே.வி. குப்பம்) மட்டுமே வழங்கப்பட்டிருப்பது கட்சியில் அதிருப்தியை ஏற்படுத்தியுள்ளது. இதுகுறித்து பொதுச் செயலாளர் ருசேந்திர குமார், “ஒரே ஒரு தொகுதி வழங்கப்பட்டதில் திருப்தி இல்லை” என்று தெரிவித்துள்ளார்.