கூத்தாநல்லூர் போலீசார் நேற்று, கூத்தாநல்லூர், லெட்சுமாங்குடி, கோரையாறு, அதங்குடி, பொதக்குடி, வாழச்சேரி, புதுக்குடி, தென்கோவனூர் மற்றும் அதை சுற்றியுள்ள பகுதியில் ரோந்து பணியில் ஈடுபட்டனர். அப்போது, வாழச்சேரி பாலம் மற்றும் தென்கோவனூர் பகுதியில் மது விற்ற 3 பேரை மடக்கி பிடித்து விசாரணை நடத்தினர். விசாரணையில் அவர்கள் ஆய்குடி, காலனி தெருவைச் சேர்ந்த மணி (வயது62), அகரபொதக்குடி காளியம்மன் கோவில் தெருவை சேர்ந்த ராஜலிங்கம் (62), தென்கோவனூர், கீழத்தெருவைச் சேர்ந்த கணேசன் (46) என தெரியவந்தது. அவர்கள் 3 பேரையும் போலீசார் கைது செய்து விசாரணை நடத்தி வருகின்றனர்.