எம்.எல்.ஏ.க்கள் இளம்பெண்களின் அழகில் மயங்கிய பிறகு, அவர்கள் விடுதிகளில் அறை எடுத்து ஒன்றாக தங்கியுள்ளனர். இந்த வேளையில் எம்.எல்.ஏ.க்கள் மற்றும் மக்கள் பிரதிநிதிகளுடன் தாங்கள் நெருக்கமாக இருப்பதை இளம்பெண்களே தங்களது கைப்பையில் பொருத்தி இருக்கும் ரகசிய கேமராக்களில் வீடியோவாக பதிவு செய்திருக்கிறார்கள். இந்த வீடியோக் களை வைத்து மர்மநபர்கள் அவர்களிடம் பணம் பறித்துள்ளதாக தகவல்கள் வெளியாகி உள்ளன.

மேலும், சம்பந்தப்பட்ட எம்.எல்.ஏ.க்களின் ஆபாச வீடியோக்கள் தங்களிடம் உள்ளதாக எதிர்க்கட்சி தலைவர்களிடம் கூறியும் அவர்கள் பணம் கேட்டுள்ளது விசாரணையில் தெரியவந்துள்ளது.

இந்த நிலையில் தற்போது தேர்தல் நடைபெற உள்ளதால் பாதிக்கப்பட்ட எம்.எல்.ஏ.க்களின் ஆபாச வீடியோக்கள் வெளியில் கசியாமல் இருக்க வேண்டும் என்பது தொடர்பாக போலீசாரிடம் சில எம்.எல்.ஏ.க்கள் கோரிக்கைகள் வைத்துள்ளதாக கூறப்படுகிறது. இன்னும் சிலர் தங்களது ஆபாச வீடியோக்களை அழித்து விடும்படியும் போலீசாரிடம் கேட்டுக் கொண்டுள்ளதாக சொல்லப்படுகிறது.

இந்த நிலையில் நேற்று பெங்களூரு மாநகர போலீஸ் கமிஷனர் பாஸ்கர்ராவ், மத்திய குற்றப்பிரிவு போலீஸ் அலுவலகத்தில் உயர் போலீஸ் அதிகாரிகளுடன் ஆலோசனை நடத்தினார். இந்த ஆலோசனையின்போது ஹனிடிராப் முறை குறித்து விரிவாக விவாதிக்கப்பட்டு உள்ளது. மேலும் இந்த வழக்கில் மேற்கொள்ளப்பட உள்ள அடுத்தக்கட்ட நடவடிக்கை குறித்து மத்திய குற்றப்பிரிவு இணை கமிஷனர் சந்தீப் பட்டீல், பாஸ்கர்ராவிடம் கூறியுள்ளார்.

இந்த ஆலோசனை கூட்டத்தில் கர்நாடக பிரிமீயர் லீக் போட்டியில் நடைபெற்ற சூதாட்டம் தொடர்பாகவும் விரிவாக விவாதிக்கப்பட்டு உள்ளது குறிப்பிடத்தக்கது.