ஜனதாதளம்(எஸ்) கட்சியுடன் கூட்டணி கிடையாது என்று சித்தராமையா சொல்கிறார். காங்கிரஸ் தலைவர்களுக்குள் ஒற்றுமை இல்லை. மாநிலத்தில் இனிவரும் 3 ஆண்டுகளும் நிலையான ஆட்சி அமைய வேண்டும், வளர்ச்சி பணிகள் நடைபெற வேண்டும் என்பதை கருத்தில் கொண்டு பா.ஜனதாவை ஆதரிக்க மக்கள் தயாராகி விட்டனர். நிலையான ஆட்சி மாநிலத்தில் அமைய வேண்டும் என்பதே மக்களின் விருப்பம். இதனால் இடைத்தேர்தலில் 15 தொகுதிகளிலும் பா.ஜனதா வெற்றி பெறும்.

தேர்தல் பிரசாரத்தின் போது கண்ணீர் வடித்தால் ஜனதாதளம்(எஸ்) கட்சியை மக்கள் ஆதரிப்பார்கள் என்று குமாரசாமி கனவு காண்கிறார். இடைத்தேர்தலுக்கு பின்பு முதல்-மந்திரியாகி விடுவேன் என்று சித்தராமையா கனவு காண்கிறார். அவர்கள் 2 பேரின் கனவு பலிக்காது. எதிர்க்கட்சி தலைவராக இருந்து கொண்டு பா.ஜனதா வேட்பாளர்கள், பிற தலைவர்களை தரக்குறைவாக சித்தராமையா பேசுவது சரியல்ல. இதுபோன்று பேசுவதை சித்தராமையா நிறுத்தி கொள்ள வேண்டும்.

ஜனதாதளம்(எஸ்) கட்சியை அழித்துவிட்டு காங்கிரசுக்கு சித்தராமையா வந்தார். தற்போது காங்கிரஸ் கட்சியை அழிக்கும் முயற்சியில் சித்தராமையா ஈடுபட்டுள்ளார். குருபா சமுதாயத்தை சேர்ந்த அவர், அந்த சமுதாயத்தை சேர்ந்தவரின் வளர்ச்சிக்காக இதுவரை எந்த உதவியும் செய்யவில்லை.

இவ்வாறு ஈசுவரப்பா கூறினார்.