உத்தர பிரதேசத்தில் மோதி நகரில் மெழுகுவர்த்தி உற்பத்தி செய்யும் தொழிற்சாலை ஒன்றில் இன்று பிற்பகல் 3 மணியளவில் திடீரென வெடிவிபத்து ஏற்பட்டது. இந்த சம்பவத்தில் சிக்கி 7 பேர் பலியாகி உள்ளனர். இவர்களில் 6 பேர் பெண்கள். 16 வயது நிரம்பிய சிறுவனும் பலியாகி உள்ளான். இதுதவிர்த்து 4 பேர் காயமடைந்து உள்ளனர்.

இதுபற்றிய தகவல் அறிந்து போலீசார் மீட்பு பணியில் ஈடுபட்டு காயமடைந்தவர்களை சிகிச்சைக்கு கொண்டு சென்றனர். இந்த சம்பவத்திற்கான காரணம் உடனடியாக தெரியவரவில்லை. தொடர்ந்து போலீசார் விசாரணை நடத்தி வருகின்றனர்.