இதையடுத்து, ஒட்டு மொத்தமாக அங்கிருந்த 7 வாலிபர்களை பிடித்து போலீசார் விசாரித்தனர். விசாரணையில், அவர்கள் ஆர்.டி.நகரை சேர்ந்த ஜான் மல்லிக்(வயது 20), நவீத்(20), சஜில் முகமது(21), ஷாகிப்(20), சையத் நபீல்(20), யூசுப் அகமது(20), நாகவாராவை சேர்ந்த முகமது ஆயுப்(20) என்பதும், 7 பேரும் பல்வேறு கல்லூரிகளில் படித்து வருவதும் தெரியவந்தது.

அதாவது அந்த மாணவர்கள் பேய் வேடம் அணிந்து பொதுமக்களை அச்சுறுத்தி, அதனை வீடியோவாக எடுத்து யூ டியூப், டிக்-டாக் போன்ற சமூக வலைதளங்களில் பதிவேற்றம் செய்வதை வாடிக்கையாக வைத்திருந்தனர். அதன்படி, யஷ்வந்தபுரம் அருகே ஷெரீப்நகருக்கு வந்து ஒரு மாணவர் மட்டும் வெள்ளை நிற ஆடை அணிந்தும், முகம் தெரியாத அளவுக்கு முடியை விரித்து போட்டும் பொதுமக்களை பயமுறுத்தியது தெரியவந்தது. ஆனால் இதுபோன்று வீடியோ எடுப்பதற்கு முன்பு சம்பந்தப்பட்ட பகுதிகளில் வசிக்கும் பொதுமக்களிடம் முன்கூட்டியே தெரியப்படுத்த வேண்டும், அத்துடன் போலீசாரிடமும் முறையான அனுமதி பெற வேண்டியது அவசியமாகும்.

ஆனால் 7 மாணவர்களும் எந்த விதமான அனுமதியும் பெறாமலும், பொதுமக்களிடம் முன்கூட்டியே தெரிவிக்காமலும் வீடியோ எடுத்திருந்தனர். இதனால் பேய் வேடம் அணிந்தவரை பார்த்து பலர் பீதியும், பயமும் அடைந்திருந்தனர். இதையடுத்து, 7 மாணவர்கள் மீதும் யஷ்வந்தபுரம் போலீசார் வழக்குப்பதிவு செய்து, அவர்களை கைது செய்தனர். அவர்களிடம் விசாரணை நடத்தப்பட்டு வருகிறது. இந்த சம்பவம் யஷ்வந்தபுரம் பகுதியில் பரபரப்பை ஏற்படுத்தியது.