கடலூர் மாவட்டத்தில் சம்பா அறுவடை பணி தொடங்கி இருப்பதால், விருத்தாசலம் ஒழுங்குமுறை விற்பனைக்கூடத்திற்கு நெல் மூட்டைகள் வரத்து அதிகரித்துள்ளது.இதை உள்ளூர் மற்றும் வெளியூர் வியாபாரிகள் போட்டி போட்டு வாங்கி சென்று வருகிறார்கள். நேற்று மட்டும் 10 ஆயிரம் நெல் மூட்டைகள் விற்பனைக்காக வந்திருந்தது. கடந்த சில நாட்களாகவே நெல் வரத்து அதிகமாக இருந்து வருவதால் சுமார் 30 ஆயிரம் மூட்டைகள் தேக்கம் அடைந்து இருக்கிறது. இதனால் புதிதாக வரும் விவசாயிகள் தங்களது நெல் மூட்டைகளை வைக்க இடம் இல்லாமல் போனது. இதையடுத்து அதிகாரிகள், குப்பநத்தத்தில் தற்காலிக சேமிப்பு கிடங்கை அமைத்தனர். இங்கும் 10 ஆயிரம் மூட்டைகளுக்கு மேல் விற்பனைக்காக வந்து குவிந்துள்ளது. இந்த நிலையில் விவசாயிகளிடம் இருந்து நேற்று குறைந்த விலைக்கு நெல் கொள்முதல் செய்யப்பட்டதாக தெரிகிறது.

அதாவது, 75 கிலோ உடைய ஒரு மூட்டை பி.பி.டி. ரக நெல் அதிகபட்சமாக 1,472 ரூபாய்க்கும், குறைந்த பட்சமாக 1,259 ரூபாய்க்கும், என்.எல்.ஆர். ரக நெல் ரூ.1,196-க் கும், குறைந்த பட்சமாக ரூ.1,069-க்கும், சிஆர்.1009 ரக நெல் அதிகபட்சமாக ரூ.1,120 -க்கும், குறைந்தது ரூ. 1,050-க் கும் விலை போனது.