தென் மேற்கு பருவமழை தொடங்கியதில் இருந்து தமிழ்நாட்டில் மழை பெய்து வருகிறது. அந்த வகையில் கடந்த 16-ந்தேதியில் இருந்து வளிமண்டலத்தில் காற்றின் திசை வேக மாறுபாடு காரணமாக தமிழ்நாட்டில் பரவலாக மழை வெளுத்து வாங்குகிறது. அதிலும் குறிப்பாக சென்னை, திருவள்ளூர், காஞ்சீபுரம், செங்கல்பட்டு, விழுப்புரம், கடலூர் போன்ற பகுதிகளில் மழை பதிவாகி வருகிறது.

இதற்கிடையில், தென்னிந்திய பகுதிகளின் மேல் நிலவும் வளிமண்டல கீழடுக்கு சுழற்சி காரணமாக இன்று முதல் 25-ம் தேதி வரை தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்திருந்தது.