இந்த நிலையில் வீட்டின் மொட்டை மாடியை பராமரிக்க ராமநாதன் சென்றுள்ளார். அப்போது மாடியில் திறந்த நிலையில் கிடந்த பெயிண்ட் டப்பாவில் 2 ஆயிரம் ரூபாய் நோட்டுகள், 500 ரூபாய் நோட்டுகள், 200 ரூபாய் நோட்டுகள் இருந்தன. இந்த ரூபாய் நோட்டுகள் அனைத்தும் கள்ளநோட்டுகளாக இருக்கலாம் என்ற சந்தேகத்தில், திருமுருகன் பூண்டி போலீசாருக்கு, ராமநாதன் தகவல் தெரிவித்தார். இதையடுத்து போலீசார் விரைந்து சென்று டப்பாவில் இருந்த 2 ஆயிரம் ரூபாய் நோட்டுகள்-90, 500 ரூபாய் நோட்டுகள்-20 மற்றும் 200 ரூபாய் நோட்டுகள்-96 -ஐ கைப்பற்றி ஆய்வுக்கு அனுப்பி வைத்தனர். அப்போது அவை அனைத்தும் கள்ள நோட்டுகள் (கலர் ஜெராக்ஸ் மிஷினில் நகல் எடுக்கப்பட்டவை) என்று தெரிய வந்தது. இதையடுத்து சந்தேகத்தின் பேரில் பிரகாசை பிடித்து போலீசார் விசாரணை மேற்கொண்டனர். விசாரணையில் வீட்டை காலி செய்யும்போது பிரகாஷ் கேட்ட ரூ.5 லட்சத்தை ராமநாதன் கொடுக்கவில்லை.