பி.எஸ்.என்.எல். நிறுவனம் கடந்த 2010 ஆம் ஆண்டு முதல் தொடர்ந்து இழப்பையே சந்தித்து வருகிறது. அதேபோல், மற்றொரு பொதுத்துறை தொலைத்தொடர்பு நிறுவனமான எம்.டி.என்.எல். நிறுவனமும் கடந்த ஒன்பது ஆண்டுகளாக நஷ்டத்தையே சந்தித்து வருகிறது. இந்த இரண்டு நிறுவனங்களும் கடந்த 10 ஆண்டுகளில் 40 ஆயிரம் கோடி ரூபாய் நஷ்டத்தை சந்தித்துள்ளன.

இந்த சூழலில், மக்களவையில் இன்று பூஜ்ஜிய நேரத்தில் உறுப்பினர் எழுப்பிய கேள்விக்கு பதிலளித்த மத்திய தகவல் தொழில்நுட்பத்துறை அமைச்சர் ரவிசங்கர் பிரசாத், "இரண்டு பொதுத்துறை நிறுவனங்களுக்கும் புத்துயிரூட்டி லாபகரமான நிறுவனமாக மாற்ற உள்ளோம் என்றார்.