மத்திய அரசு கொண்டுவந்துள்ள குடியுரிமை திருத்த சட்டத்திற்கு பல்வேறு அரசியல் கட்சிகள் எதிர்ப்பு தெரிவித்து பல்வேறு போராட்டங்கள் நடைபெற்று வருகிறது. குறிப்பாக இஸ்லாமியர்கள் மத்திய அரசிற்கு எதிராக ஆர்ப்பாட்டம், தர்ணா என பல்வேறு போராட்டங்களில் ஈடுபட்டு வருகின்றனர்.

இதன் ஒரு பகுதியாக வத்திராயிருப்பு பகுதியில் முஸ்லிம் ஜமாத் மற்றும் அனைத்து இஸ்லாமிய இயக்கங்கள் சார்பிலும் அதன் கூட்டணி கட்சிகள் சார்பிலும் குடியுரிமை திருத்த சட்டத்தை திரும்ப பெறக் கோரியும், அந்த சட்டத்தை கொண்டு வந்த மத்திய அரசை கண்டித்தும், தமிழக சட்டமன்றத்தில் குடியுரிமை திருத்த சட்டத்துக்கு எதிராக தீர்மானம் நிறைவேற்ற கோரியும் வத்திராயிருப்பு முத்தாலம்மன் திடல் பகுதியில் கண்டன பொதுக்கூட்டம் நடந்தது.