பேஸ்புக் மற்றும் அதற்குச் சொந்தமான வாட்ஸ்அப், இன்ஸ்டாகிராம் போன்ற செயலிகள் கடந்த 4 ந் தேதி உலகளாவிய செயலிழப்பைச் சந்தித்தன. இந்த செயலிழப்பானது ஏறக்குறைய 6 மணி நேரத்திற்கும் மேலாக நீடித்தது. இந்த நிலையில் உலக அளவில் பல லட்சம் பயனர்கள் பாதிக்கப்பட்டனர்.

இதனால் ஒரே நாளில் 7 கோடி புதிய பயனர்கள் டெலிகிராம் செயலியை பதிவிறக்கம் செய்திருப்பதாக டெலிகிராம் நிறுவனத்தின் சிஇஓ பாவல் துரோவ் தெரிவித்து உள்ளார். மேலும் அவர், ஒரே நேரத்தில் பலர் டெலிகிராம் செயலியை பதிவிறக்கம் செய்ததால் அமெரிக்காவில் சில பயனர்கள் அதன் வேகம் குறைந்ததை உணர்ந்திருக்கலாம் ஆனாலும் பெரும்பாலான பயனர்களுக்கு வழக்கமாகவே வேலை செய்ததாக கூறினார்.