ஜப்பான் நாட்டின் டோக்கியோ நகரில் வீடு ஒன்றை புதுப்பிக்கும் பணி நடந்து வந்தது. இந்த வீடு கடந்த 3 வருடங்களாக யாரும் வசிக்காத நிலையில் இருந்தது. மருத்துவர் ஒருவரிடம் இருந்து சமீபத்தில் மற்றொருவர் இதனை வாங்கி புதுப்பிக்கும் பணியில் ஈடுபட்டார்.

இந்த பணியில் ஈடுபட்ட தொழிலாளர்கள் வீட்டின் தரைக்கு கீழே 3 அல்லது 4 கண்ணாடி புட்டிகளை எடுத்துள்ளனர். அதில் பல குழந்தைகளின் உடல்கள் உள்ளே வைக்கப்பட்டு இருந்த விவரம் தெரிய வந்துள்ளது. அவற்றில் சில தொப்புள் கொடிகளுடன் இருந்துள்ளன.